عجبي عليك يا زمن
ياللى رميت إنسان
رميته بأبشع التهم
ع الفاضى والمليان
ومين هيدفع التمن
غير واحد زليل غلبان
يبكى .. ودمع الندم
ياريته يفيد ندمان
ندمان خسران .. والألم
فى صدره نار بركان
ومهما تطول يا زمن
الظلم فى الحسبان
لو مر مليون زمن
أو حتى ميت نسيان
الظلم هو الألم
هيتنه فى الحسبان
أصلك غريب يا زمن
ترمي اصيل إنسان
وتسيب خسيس يا زمن
أصله وضيع حيوان
***
أصل الشريف معروف
والرمة زور بهتان
الأول عمره مايتنسى
والتانى أصبح كان
وضيع عمره قليل
خسيس ملوهش أمان
منفوخ نفخة كدابة
تفتكره كبير مليان
لو شكة أبرة يفرقع
ويصيبك منه نتان
لكن الشريف .. شريف
ويصيبك عطر ريحان
اخلاقه كأنها جنة
قلبه مليان بستان
***
صاحب شريف يا زمن
عمرك ما تكون خسران
لو يوم تطاوع نتن
ترجع سنين ندمان
عجبى عليك يا زمن
يا للى رميت أنسان
***
الحق اصبح عدم
والكون ملوهش امان
والغالى ينداس بالقدم
والواطى مفرود مليان
لكن النفيس ما يطاطي
والواطى لابس عريان
وعجبي عليك يا زمن
ياللى رميت إنسان
وصفته بابشع التهم
ع الفاضي والمليان
***
.
.
.
.
.
.
هناك 4 تعليقات:
ابدعت حقا ياخ عمرو
بارك الله فيك وفى قلمك
ويارت متزعلش من كلام الاخ اللى غير معروف دة انسان اقل من انك ترد عليه
ومنتظريين باقى ابدعاتك
حقا انت انسان تستحق كل تقدير
الله عليك يا عمر دائما كدة مبدع
فى أنتظار المزيد
فينك يا عمرو انت نسيت الباسوورد بتاع مدونتك ولا ايه
وحشتنا بجد
إرسال تعليق